Чорабинии иттилоотӣ дар Сарраёсати иҷрои ҷазои ҷиноятӣ

2 июли соли 2025 дар Сарраёсати иҷрои ҷазои ҷиноятии Вазорати адлияи Ҷумҳурии Тоҷикистон сессияи иттилоотӣ оид ба механизмҳои байналмилалӣ ва миллӣ дар самти ҳифзи ҳуқуқҳои занон баргузор гардид.

Дар чорабинӣ кормандони мақомоти иҷрои ҷазои ҷиноятӣ аз воҳидҳо ва минтақаҳои гуногун иштирок карданд.

Маърузачӣ:

 Ҳалимова Мадина — ҳуқуқшинос, мутахассис дар соҳаи ҳуқуқи инсон ва ҳимояи ҳуқуқҳои занон, намояндаи ТҶ «Дунёи ҳуқуқ».

Мавзӯъҳои асосии баррасишуда

Механизмҳои байналмилалӣ

муаррифии Эъломияи умумии ҳуқуқи инсон, Конвенсияидар бораи бархам додани хама шаклхои таъбиз нисбати занон ва фаъолияти Кумитаи СММ, инчунин нақши равандҳои махсуси СММ ва гузоришгарони махсус.

Механизмҳои миллии татбиқи сиёсати гендерӣ

шарҳи Конститутсияи ҶТ, Қонуни ҶТ «Дар бораи кафолатҳои давлатии баробарҳуқуқии мардону занон ва имкониятҳои баробари амалигардонии онҳо», Қонуни ҶТ «Дар бораи пешгирии зӯроварӣ дар оила», дигар санадҳои меъёри ҳуқуқӣ ва нақши сохторҳои давлатӣ, аз ҷумла Кумитаи кор бо занон ва оила ва Ваколатдор оид ба ҳуқуқи инсон.

Масоили мавҷуда ва роҳҳои беҳсозии вазъ

Масоили дастрасӣ ба адолат, савияи пасти маърифати ҳуқуқӣ ва зарурати баланд бардоштани ихтисоси кормандон баррасӣ шуданд. Пешниҳодҳо баён гардиданд: таҳкими маърифати ҳуқуқӣ, кумаки ҳуқуқии ройгон, ҳамоҳангсозии байниидоравӣ ва ғайра.

Натиҷаҳо

Сессия дар фазои озоду фаъол баргузор шуда, иштирокчиён бо шавқи касбӣ фаъолона ширкат варзиданд.

Чорабинии мазкур аз ҷониби Ташкилоти ҷамъиятии "Дунёи Ҳуқуқ" дар доираи лоиҳаи "Роҳ ба суи адолат: таҳкими ҳуқуқи инсон тавассути пешгирии шиканча ва ислоҳоти низоми пенитенсиарӣ", ки аз ҷониби Иттиҳоди Аврупо маблағгузорӣ мешавад.

https://www.facebook.com/worldlaw.tj/posts/pfbid02C1pJZdaA8vboHriBmyrnoFC2vAbfsggSNJwPx3D1R5Mhi7JAQLrqAbUtx8oG9y6cl?locale=ru_RU