Мавзуи соли 2025: Ҳуқуқи инсон, қисми ҷудонашавандаи ҳаёти ҳаррӯзаи мо

Дар ин давраи тағйирот ва пешгӯинашаванда, вақте бисёриҳо ҳиссиёти нобоварӣ, ноумедӣ ва бегонагиро аз сар мегузаронанд, Мавзуи рӯз арзиши ҳуқуқҳои инсонро бори дигар тасдиқ мекунад ва нишон медиҳад, ки онҳо ба инсоният чун пештара манфиат меоранд.

Бо кумаки ин чорабинӣ мо талош менамоем таваҷҷуҳи мардумро ба ҳуқуқи инсон тавассути нишон додани таъсири он ба ҳаёти ҳаррӯзаамон, аксар вақт ба тарзе, ки онро пай намебарем, аз нав ҷалб созем. Ҳуқуқҳои инсон, ки аксар вақт ҳамчун чизи одӣ қабул карда мешаванд ё ҳамчун ғояҳои абстрактӣ баррасӣ мегарданд, принсипҳои асосие мебошанд, ки мо ҳар рӯз ба онҳо такя мекунем.

Бо пайвастани принсипҳои ҳуқуқи инсон ба таҷрибаҳои ҳаррӯзаи худ, мо талош мекунем огоҳиро бедор намоем, эътимодро ба вуҷуд орем ва барои амалҳои дастаҷамъона илҳом бахшем.

Маъракаи Рӯз таъкид мекунад, ки ҳуқуқи инсон мусбат, зарурӣ ва қобили амал аст.