Оё хешовандони ман ҳуқуқ доранд бидонанд, ки дар куҷо нигаҳдорӣ мешавам?

29.08.2025 - 12:10

Ҳуқуқдон бошед!

Дар бахши “Саволу ҷавоб” ҳуқуқшиносони Эътилофи ҷомеаи шаҳрвандӣ зидди шиканҷа ва беҷазоӣ ба саволҳои хонандагон посух медиҳанд.

САВОЛ: Оё хешовандони ман ҳуқуқ доранд бидонанд, ки дар куҷо нигаҳдорӣ мешавам?

ПОСУХ: Бале, хешовандон ҳуқуқ доранд бидонанд, ки шахс дар куҷо қарор дорад. Мутобиқи қисми 2-и моддаи 94-и Кодекси мурофиавии ҷиноятии Ҷумҳурии Тоҷикистон - баъд аз ба мақомоти таъқиби ҷиноятӣ овардани дастгиршуда шахси мансабдори мақомоти таҳқиқ, таҳқиқбаранда, муфаттиш дар давоми се соат протоколи дастгиркунӣ тартиб медиҳанд.

Дар протоколи дастгиркунӣ маълумотҳои зерин дарҷ карда мешаванд:

- сана ва вақти хабардор кардани ягон узви болиғи оила ё хешованди наздики шахси дастгиршуда ва ҷойи қарордоштаи ӯ, тарзи хабардоркунӣ (аз ҷониби кӣ ва ба кадом восита хабар расонида шудааст, агар хабари телефонӣ бошад);

- рақами телефон, насаб, ном ва номи падари нафаре, ки ба ӯ дар бораи боздошти шахс ва ҷойи нагаҳдории боздоштшуда хабар дода шудааст.

Сомонаи мо: https://notorturetj.org/

Почтаи электронӣ: notorture.tj@gmail.com

Агар шумо ё хешовандони шумо мавриди шиканҷа ва муносибати бераҳмона қарор гирифта бошед, ба WhatsApp ё Telegram занг занед ё нависед:

+992 98 787 66 66 дар вилояти Хатлон

+992 98 787 33 33 дар вилояти Суғд

+992 98 708 76 76 дар ш. Душанбе ва НТМ

Ба идораҳои мо муроҷиат кунед:

ш. Душанбе, хиёбони Рӯдакӣ 137, бинои Тоҷикматлубот

ш. Хуҷанд, хиёбони Сомонӣ 42, утоқи 117

Моро дар шабакаҳои иҷтимоӣ пайравӣ намоед, то аз иттилоот бохабар бошед!

Facebook: https://www.facebook.com/notorturetj