Нисбати шахсони ҳимояшаванда, аз ҷумла қурбониёни шиканҷа ва муносибати бераҳмона ва хешовандони онҳо кадом чораҳои бехатарӣ метавонанд татбиқ гарданд?

16.04.2026 - 15:59

Ҳуқуқдон бошед!

Дар бахши “Саволу ҷавоб” ҳуқуқшиносони Эътилофи ҷомеаи шаҳрвандӣ зидди шиканҷа ва беҷазоӣ ба саволҳои хонандагон посух медиҳанд.

САВОЛ: Нисбати шахсони ҳимояшаванда, аз ҷумла қурбониёни шиканҷа ва муносибати бераҳмона ва хешовандони онҳо кадом чораҳои бехатарӣ метавонанд татбиқ гарданд?

ПОСУХ: Мувофиқи моддаи 6-и Қонуни Ҷумҳурии Тоҷикистон «Дар бораи ҳимояи давлатии иштирокчиёни мурофиаи судии ҷиноятӣ», нисбати шахси ҳимояшаванда метавонанд якбора як ё якчанд чораҳо татбиқ карда шаванд. Онҳо иборатанд аз: ҳимояи шахсӣ, ҳимояи манзил ва амвол, таҷҳизоти махсуси муҳофизатӣ ва алоқа, таъмини махфият, кӯчидан, иваз кардани ҳуҷҷатҳо, тағйир додани намуди зоҳирӣ, иваз кардани кор ё таҳсил, ҷойгиршавии муваққатӣ дар ҷойи бехатар, инчунин чораҳои иловагӣ барои афроде, ки дар ҳабс қарор доранд. Баъзе чораҳо (масалан, тағйир додани намуди зоҳирӣ ё ҳуҷҷатҳо) танҳо дар парвандаҳои марбут ба ҷиноятҳои вазнин ва махсусан вазнин татбиқ карда мешаванд.

Сомонаи мо: https://notorturetj.org/

Почтаи электронӣ: notorture.tj@gmail.com

Агар шумо ё хешовандони шумо мавриди шиканҷа ва муносибати бераҳмона қарор гирифта бошед, ба WhatsApp ё Telegram занг занед ё нависед:

+992 98 787 66 66 дар вилояти Хатлон

+992 98 787 33 33 дар вилояти Суғд

+992 98 708 76 76 дар ш. Душанбе ва НТМ

Ба идораҳои мо муроҷиат кунед:

ш. Душанбе, хиёбони Рӯдакӣ 137, бинои Тоҷикматлубот

ш. Хуҷанд, хиёбони Сомонӣ 42, утоқи 117

Моро дар шабакаҳои иҷтимоӣ пайравӣ намоед, то аз иттилоот бохабар бошед!

Facebook: https://www.facebook.com/notorturetj

Twitter: https://twitter.com/NoTorturetj